رحمة أحمد تعلق على مقارنتها بدنيا سمير غانم بعد نجاحها في مسلسل "الكبير أوي6"
عبرت الفنانة المصرية رحمة أحمد عن سعادتها الشديدة بردود الفعل الإيجابية على دورها في مسلسل "الكبير أوى 6"، ووجهت الشكر لكل من ساعدها وهم النجم أحمد مكى و الفنان أحمد أمين والمخرج أحمد الجندى، كما علقت على مقارنتها بالفنانة دنيا سمير غانم
رحمة أحمد قالت:" أنا مش عارفة اعبر ان احساسي بالامتنان الحمدلله والشكر لله اي حاجة حلوة حصلت أاواتقالت ليا ده كرم كبير أوي من ربنا يمكن أكبر من اللي استحقه عاوزة اقول ٣ نقط".
وأضافت: " الأولي وهفضل اقول البوقين دول كل ما حد يشاور النقطة دي أن فنانة زي دنيا سمير غانم لا تقارن بحد أنا مش حد خالص أنا من فانز دنيا سمير غانم..لان لو اتحطينا في مقارنة من المؤكد إني أنا اللي هبقى خسرانة".
وتابعت:" الثانية بعد توفيق ربنا أن فنان زي أحمد مكي يدي مساحة لحد يقول حاجة مبتحصلش من أي فنان موجود على الساحة الراجل ده عنده اللي يكفيه وزيادة انه يسيب فنان قدامه يقول وهو سايب ايده.. مهما اتكلمت عنه مش هوفيه حقه فنيا ولا إنسانيا".
وأكملت:" المبدع احمد الجندي ميتخيرش عنه... يسيبك تقول..ويعليك..ويركبلك شغل ..وذكي يعرف يطلع ضحك من اي شخصية ويحطها في مكانها الصح الثالثة ليك انت يا حبيب قلبي..اخويا الكبير الداعم المستمر بكل الطرق...صادق في فرحته ..انا مهما حكيت على عملته معايا عشان اوصل اني ابقا في عمل من اهم الاعمال في رمضان مش هكفي فيك كلام....شكرا أحمد أمين الاخ والفنان والانسان انك دايما جنبي".
واختتمت كلامها، بقولها:" أحمد أمين و أحمد مكي و أحمد الجندي انتو مكسب لاي فنان ولاي شخص وبشكر ربنا دايما ان ربنا كتبلي اني اعرفكوا وشكرا لاي حد دعمني حتي لو بكلمة كويسة وبالأخص صلاح الدالي فنان هياخد حقه كويس جدا ويستأهل اكتر".