جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

بالفيديو.. زيزي عادل تعلن اعتزالها الغناء

الثلاثاء 19 ابريل 2022 | 12:00 مساءً
سارة إبراهيم
746
زيزي عادل

أعلنت المطربة المصرية زيزي عادل، نجمة الموسم الثاني من برنامج "ستار أكاديمي"، اعتزالها الغناء.

زيزي عادل نشرت مقطع فيديو، على حسابها الخاص على موقع "انستجرام"، كشفت فيه أسباب اتخاذها قرار الاعتزال، حيث قالت: "أنا النهاردة طالعة أقول خبر مهم أخدته في حياتى وهو قرار اعتزالي، اللي أحذته من فترة كبيرة جدا".

وأضافت: "لكن كنت حابة أتكلم مع نفسي ومع الناس القريبة مني، وشجعوني ودعموني، وقراري بيبعدني عن أكبر مغريات الحياة وهي الشهرة والأضواء".

وتابعت : "أنا ببعد عن الفن عشان بقرب من ربنا، والفترة اللي فاتت قربت من ربنا جدا، ولقيت إن القرآن بيقولي لازم أكون ست ملتزمة، وبحاول على قد ما بقدر أكون ملتزمة وهتستغربوا إني طالعة بشعري ومش محجبة، ويمكن ده لأن ربنا لم ينعم عليا بالحجاب، وبدعى ربنا يتممها عليا".

وأكدت : "جالي عرض مجاليش وأنا بمارس مهنة الغناء، والحمد لله ربنا أكرمني وقدرت أرفض من دعم الناس حواليا.. أنا مش عاوزة أدخل في حتة إن الفن حلال أو حرام، عشان مبقاش طالعة داعية كل اللي عاوزاه أكون مستعدة لمقابلة ربنا، وأقابله وأنا راضية عن نفسي وحياتي وأفعالي".