تعليق مؤثّر لهاني عادل على صورة إفطار أصدقاء على قبر صديقهم الراحل

عبّر الفنان المصري هاني عادل عن تأثره بموقف مجموعة من الشباب الأوفياء تجاه أحد أصدقائهم بعد وفاته، حيث قاموا بالإفطار على قبله.

هاني عادل كتب على حسابه الخاص على موقع الفيس بوك: "اتفرجت النهاردة على فيديو مؤثر فيه مجموعة أصحاب راحوا وعملوا إفطار عند قبر صاحبهم وكانوا بياكلوا وهم مبسوطين زي ما يكون معاهم ووسطهم".

وأضاف: "جاتلي ساعتها فكرة ومسيطرة على دماغي من الصبح.. أنا عايز أصحابي اللي بيحبني منهم يعبرني وأنا عايش، يودني ويسأل عليّا ويسترني ويساعدني ويقف جنبي وميجيبش سيرتي بالوحش ويدافع عني ويلومني بيني وبينه ويدعيلي وأنا عايش لأن أنا متأكد إني كبني آدم وكصديق عملت ده ليك برضه وأنا وأنت عايشين".

واختتم كلامه، بقوله: "وأكيد لما حد فينا يسبق ويروح للي خلقنا اللي عايش فينا هيدعي للتاني ويفتكره بكل الخير ده الشباب اللي شفتهم في الفيديو دول ناس أصيلة ربنا يكرمهم".