بسبب "بطلوع الروح" و"ولاد العم".. إيمان أبو طالب: مفيش أمان لرجل يقول لمراته تعالي أفسحك

علقت الإعلامية إيمان ابو طالب على تشابه مسلسل "بطلوع الروح" مع فيلم "ولاد العم"، حيث يتم اختطاف الزوجة من قبل الزوج والسفر بها لبلد أخرى.

إيمان أبو طالب كتبت، على حسابها بموقع "الفيس بوك": " منه شلبي في مسلسل طلوع الروح جوزها قال لها تعالي نروح تركيا أفسحك انتهي الحال بها في داعش ومني زكي في فيلم ولاد العم جوزها قال لها تعالي أفسحك انتهي بها الحال في إسرائيل🙈".

وأضافت مازحة: "من الاخر وبالخط العريض مفيش أمان لرجل بيقول لمراته تعالي أفسحك .. فاحمدوا ربنا علي أبو حمالات اللي قاعد علي الكنبة وكل شويه يقولك اعملي لنا طقم شاي في البلكونه نغير هوا ".

وتابعت: "ولما يحب يفسحك ياخدك عند مامته او عند مامتك وده اخره.. بصوا لنص الكباية وحسبي الله ونعم الوكيل فيك يا فخري ههههههه صباحكم بيضحك".