نشوى مصطفى: حاربت علشان اكون ممثلة ولكني استسلمت للتننميط

تحدثت الفنانة المصرية نشوى مصطفى عن حبها للفن ومشوارها الفني، معبرة عن حزنها من تنميط صناع الفن لها في أدوار محددة.

نشوى مصطفى كتبت، على حسابها بموقع "الفيس بوك": |حلمى انى اكون ممثلة بدايته كانت وانا عندى ١١ سنة - كانت اول مرة اشوف فيلم باب الحديد — الممثل اللي بيعمل دور قناوى سحرنى — مكنتش اعرف اسمه - ولا اعرف انه مخرج - ولا كنت افهم يعنى ايه مخرج — اتوحدت مع احساس عينيه — واللي لحد دلوقتى مع احترامى لكل عباقرة واساتذة التمثيل مشفتش مساحة الصدق القصوى غير فى عنين يوسف شاهين وهو قناوى".

وأضافت: "طفلة عندها ١١ سنة احلامها شبت خارج حدود اسوار طبقة اجتماعية متفهمش يعنى ايه لما يسألوها عايزة لما تكبرى تطلعى ايه تقول لهم عايزة ابقى ممثلة — حاربت علشان اكون ممثلة — وقدرت — وبشروطى — بس معرفتش احارب علشان اكون ممثلة زي ماكنت اتمنى — استسلمت للتننميط ودى كانت شروطهم طالما انا ليا شروط — احياناً كنت باقدر افلفص".

واختتمت كلامها، بقولها: "بس وانا باقرب من النهاية - باعتذر لنفسى انى بمساعدة اخرين استسلمت وحرمتنى من متعة انى اكون زي مااتمنيت — ضيعت وضيعوا عليا فرصة الحياة — الحمد لله فى كل الاحوال — الحمد لله دايماً - الحمد لله".