منزل هبة الأباصيري يتعرض لحريق بسبب خزين الثوم.. تعرف على التفاصيل

تعرض منزل الإعلامية المصرية هبة الأباصيري لحريق مفاجىء صباح اليوم بسبب خزين الثوم.

هبة الأباصيري كشفت تفاصيل ما حدث، ونشرت صورة من شرفة المطبخ، وعلقت قائلة: " الحمد لله اللطيف الستار.. اتفاجئنا بمنظر حريق ونار طايرة ماسكة في شباك المطبخ والحائط من بره ومواسير المياه!".

وأضافت: "لا في أثر لعقب سيجارة أترمى ولا في أي حد أصلًا دخل المكان ده، ولا في أي منفذ حتى لجيران يرموا في المكان ده أي حاجة ولا الجو حر نار للدرجة دي!".

وتابعت: "النار طالعة من جوا صندوق كرتون فيه خزين التوم! ودي أول مرة في حياتي أصلًا أخزن توم! الله يسامح الست (ز) اللي بتساعدني هي اللي اقنعتني أخزن توم "نفس الست الطيبة اللي قالتلي وأنا عندي كورونا أحطلك نعناع على الشاي ليه، ما خسارة طالما أنتي كده كده مش هتستطعمي".

واختتمت هبة الأباصيري كلامها، بقولها: " اللهم لك الحمد يا لطيف يا ستار.. راضية جدًا جدًا جدًا يا ربي".