بالفيديو.. سالي عبدالسلام تكشف تفاصيل تعرضها للتحرش

كشفت الإعلامية المصرية سالي عبدالسلام تفاصيل تعرضها للتحرش، ووثقت ما حدث لها بفيديو نشرته، على حسابها الخاص على موقع "انستجرام".

سالي عبدالسلام كتبت: "ده واحد وأنا قاعدة من شوية فى العربية ومنزلتش حتى بشرب كوفى انا و ريم صاحبتى فى البنزينة اللى جمب بيتى جه يستظرف "معاكى شاحن؟؟" رديت بكل أدب لا، وداخل بدماغه يشوف!".

وأضافت : " بعدها انتى متضايقة ليه!!؟، قولتله حاجة متخصكش واتفضل امشى لا متكلمنيش كده، قولتله اتفضل من هنا، مفيش، ولسه هيقل أدبه ويستظرف تانى صورته فيديو ، لما الناس اتلمت بيقولهم كنت بطلب شاحن! الرجالة بقيت بتقوله هو معلش".

واختتمت كلامها، بقولها: "السؤال هل هو العادى إن إى حد ممكن يكلم بنات و يستظرف و يدخل جوا العربية و عايزنا نسكت؟! ليه!؟ إحنا حصلنا ايه؟! السؤال بقى هو مين ده؟ وهل ده عادى؟ فى بنات هتقبل ده عادى! مجتمعنا شايف إنه عادى؟ ولما أقوله امشى ميمشيش".