ميار الببلاوي تكشف مرورها بأزمة نفسية وتطلب من جمهورها الدعاء

كشفت الفنانة والاعلامية ميار الببلاوي عن مرورها بأزمة نفسية شديدة، وطلبت من جمهورها الدعاء لها.

ميار الببلاوي كتبت، على حسابها الخاص بموقع "الفيس بوك": "من امبارح مخنوقة وقلبي مقبوض وعصبية جدا ومليش نفس لأي شغل نهائي ولا عاوزه أرد على الموبايل ولا أكلم حد ومتخانقة مع جوزي وابني عنده امتحانات وبرضه مضايقاه ومش فاهمة فيا إيه عمالة أعيط".

وأضافت: "مش بقدر اتحرك علشان رجلي وعمالة أستغفر واقرأ قرآن وأصلي بس مش طايقة أكلم حد ولا حد يكلمني، ومع كدة حاسة بوحدة فظيعة وبرد من جوا قلبي مفيش أي حاجة ليها طعم باكل علشان ابني ياكل بس ومفيش أي متعة ولا فرحة".

وطلبت من جمهورها الدعاء لها، بقولها: "لكن بقالي كام يوم في حالة ربنا مايحكمها على حد حتى برنامجي وحلقة بكرة مليش نفس خالص ومش طايقة شغلي وكل محد يكلمني على ريفيو أعتذرولما جيت أصور رجلي اتلوت، البيت يضرب يقلب لا عاوزه أنضف ولا أغسل ولا أطبخ ولا طايقة البيت ولا عاوزة أخرج خالص من أوضتي تحديدا وكأن بيتي أوضه واحدة وبحضر للمعرض بتاعي والناس بتكلمني أعيط ومردش أنا حتى رحت لماما وشكيتلها بس برضه مرتحتش فيا يارب ادعولي بالله عليكم".