رانيا محمود ياسين تعلق على حادث مقتل فتاة بالأردن بنفس طريقة طالبة المنصورة

علقت الفنانة المصرية رانيا محمود ياسين على حادث مقتل طالبة في الأردن داخل الحرم الجامعي بنفس طريقة طالبة المنصورة، حيث أنها رفضت الارتباط بزميلها فقتلها بالرصاص.

رانيا محمود ياسين نشرت صورة للفتاة، والتي كشفت أنها محجبة، وعلقت قائلة: "محجبه محجبه هاااااا محجبه يا بشر يلي خالص انعدم من قلوبنا الرحمه والضمير والإنسانية يلي قتلتوا نيره ميت مره بكلامكم الله يرحمهم هما الاتنين بنتين في عمر الزهور الله يرحمهم".

وأضافت: " الموضوع يتلخص في كلمتين ربوا عيالكم ، ربوا عيالكم الي بيصل بهم الحال انهم يمسكوا سلاح ويقتلوا ربوا عيالكم علي الرحمه والود والخير والحب وان ربنا موجود في كل الأوقات وانت يائس وانت كلك امل وانت ناجح وانت فاشل انت بصحتك وانت مريض ربنا موجود وشايفك وهو الي بيرزقك بالخير والنجاح وهو الي بيمتحنك في البلاء".

وأضافت: " مش تجيبوها في الحجاب والفن والاعلام الموضوع تربيه وأخلاق وضمير وووعي ودين اتقوا الله في عيالكم و في بيوتكم وكفايه سموم في عقولنا وجهل في الافكار وعقم في الفكر ارحمونا".