جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

شيرين عبدالوهاب تفتح النار على حسام حبيب وتتهمه بسرقة سيارتها: كان بيضربني وبيسحلني على الأرض

الاربعاء 20 يوليو 2022 | 12:57 مساءً
سارة إبراهيم
950
حسام حبيب وشيرين

كشفت الفنانة المصرية شيرين عبدالوهاب تفاصيل تذكرها لأول مرة في علاقتها بطليقها الفنان حسام حبيب.

شيرين عبدالوهاب قالت: “حسام حبيب مش بيشتغل وبيحبسني في البيت 24 ساعة في غرفة نومي، وأنا غلطت في حق نفسي، وكنت بحاول أحافظ على بيتي، ولكن ده مكنش بيت ده عشة فران، حسام مكنش بيزور أهله ولا بيعمل حاجة وقاعد في البيت بس وشغلي كان بيدمر، وهو خسرني كل الناس أخويا وأمي وأصحابي والسواق والخدامة”.

وأضافت: “كان بيضربني ويشـتمني وينكد عليا لما أرجع عاملة حفلة أو فرح ناجح، حسام لازم يتعالج نفسيا لأنه عنده حب امتلاك، حسام قالي إنتي تخنتي وأنا عايز واحدة أتباهى بيها قدام الناس، وكان بيضربني ويسحلني على الأرض ويشتمني”.

وتابعت: “إحنا اتطلقنا لما قصيت شعري طلاق بائن، ولما هديت من الكارثة قولت لازم أديله فرصة تانية لأننا بنحب بعض، وكنت فاكراه إبني مش جوزي بس، وعملت ستوديو علشان نعمل أغانينا فيه، ولما رجعت له كان ده بشروط إن كل واحد له بيته، بس المشاكل رجعت تاني، وأنا عندي مشكلة في شخصيتي إني لما بتعصب بأذي نفسي مش غيري”.

واعتــذرت لجمهورها على كذبها عليهم، بقولها: “موضوعي بوَّخ لكن طالما الناس عارفة موضوعي من الأول، فأنا عاوزة أستغفر ربنا على الكذب اللي كذبته علشان أخلي صورة إنسان تبقى كويس.. أنا كذبت رغم إني مش بحب الكذب.. كذبت في حاجات كتير علشان انا بنت أصول وعلشان أرفع صورة إنسان رغم إنه ممكن يروح في أي يوم يتجوز من عائلة تانية .. على الأقل يتجوز وأخلص منه.. لو كنت فضلت أقول عليه كلام وحش مكنش هيعرف يتزوج.. أنا شخصيا نفسي يتجوز ويغور ويبعد عني”.

واتهمته بسرقة سيارتها أثناء تواجدها في الساحل الشمالي، وأكدت أن هذه السيارة ملكها وأنها كانت قد اشترتها لحسام حبيب في فترة زواجهما، لتفاجأ بمكالمة يهددها فيها بأنه سيتهمها بسرقة السيارة منه.