جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

أول تعليق لحسام حبيب على تصريحات شيرين عبدالوهاب ضده

الاربعاء 20 يوليو 2022 | 01:16 مساءً
سارة إبراهيم
1634
حسام حبيب

خرج الفنان المصري حسام حبيب عن صمته ليعلق على تصريحات شيرين عبدالوهاب ضده، والتي اتهمته فيها بضربها وسحلها وسرقة سيارتها.

حسام حبيب قال إنه قرر اللجوء للإجراءات القانونية للحصول على حقه إثر التصريحات التي أدلت بها شيرين عبدالوهاب، حيث قال: "أكيد هيكون في إجراء قانوني، عمري ما دافعت عن نفسي وعمري ما تكلمت طبعا كل ده كلام مرسل، الكلام اللي أنا هرد بيه كلام كله بوثائق، مش هقول كلام مرسل، كل حاجة دلوقتي بحضرها، حفاظا عليها وسمعتها، وعلى بيتها، مكنتش بتكلم".

وتابع: "بس أنا دلوقتي هضطر أني اتكلم، لأن الكلام بقى زيادة قوي، أنا كل اللي هعمله مش هطلع أتكلم كلام مرسل، أنا هطلع أتكلم كلام بحقايق وبوثائق، عشان أنا معرفش أقول كلام مرسل، لا أتحاسب عليه ولا افتري على حد، أنا هرد على كل حاجة هي قالتلها بوثائق تثبت إن الكلام ده كله تهديد، أنا بأبتز عشان خاطر اسمع الكلام ولو مسمعتش الكلام هيحصل فيا كده، بتهدد دايما بجمهورها أني هي هتعمل فيا كده، وهي فعلا بتحاول تعمل كده".

واختتم كلامه، بقوله: "بس أنا إجراءاتي القانونية، وردي في الإعلام هيبقى كله بوثائق وحقايق، علشان كده أنا مش مستعجل أنا بظبط دلوقتي كل حاجة قانونا وبمستندات".