جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

حلا شيحة تكشف حقيقة طلاقها من معز مسعود وخلعها للحجاب

الاحد 24 يوليو 2022 | 12:57 مساءً
سارة إبراهيم
1901
عقد قران حلا شيحة ومعز مسعود

كشفت الفنانة المصرية حلا شيحة حقيقة كل ما تردد مؤخرا حول طلاقها من الداعية معز مسعود وخلعها للحجاب.

حلا شيحة كتبت، على حسابها الخاص على موقع "انستجرام": "لكل المتابعين و المحبين علي صفحتي و في الوطن العربي حابة اقولكم مفيش اي خبر اتكتب عن معز و عني يخص الطلاق صحيح و كلامي في البوست اللي فات كان كلام عام و لم اقصد بيه حد معين ابداً ومعز بعيد عن الكلام ده تماماً بالعكس هو سبب كبير لحاجات جميلة في حياتي و حياة اولادي و مشفتش كتير زي اخلاقه و احترامه و عيب الكلام اللي بيتقال عن صفحات السوشيل ميديا كله مش صح ابدا ً".

وأضافت: "والله في مشاكل اكبر بكتير و حاجات اهم بكتير ممكن نتكلم فيها .. و انا علي صفحتي بحب اشارك جمهوري ساعات بمعاني بحسها و بحسهم زيي و بحب اتواصل معاهم و ابقي موجودة معاهم مش اكتر من كدة ".

وعن انتقادات طريقة لبسها للحجاب وإظهار جزء كبير من شعرها، قالت: "بالنسبة لحجابي انا قلت بحاول زيي زي بنات كتييير و اكيد مش احسن حاجة بس انا كدة دلوقتي و الحمد لله وانا مش شيخة انا انسانة عادية جداً ليا حسناتي و ليا سيئاتي و البشر كلهم كدة فبلاش حد يزايد علي حد و بدل ما نتريق او نقول كلام مش مهم نكون متصالحين مع نفسنا و نبطل نحكم علي بعض احنا بشر مش ملايكة ….يلا انا مسامحة الكل معلش بشر بردو ".