سميرة سعيد تكشف عن دويتو غنائي يجمعها بشيرين عبدالوهاب

كشفت الفنانة المغربية سميرة سعيد عن وجود مشروع لعمل أغنية دويتو تجمع بينها وبين الفنانة شيرين عبد الوهاب في الفترة المقبلة.

سميرة سعيد قالت: "إن شاء الله بنفكر نعمل حاجة مع بعض، لما نلاقي الشكل الغنائي والموضوع المناسب اللي ممكن نطلع بيه، شيرين من الأصوات اللي أحب أعمل معاها دويتو والفكرة مطروحة".

وعن تفاصيل زيارة شيرين عبدالوهاب لها، قالت سميرة سعيد: "شيرين جميلة وبنت بجد جدعة وأنا بحبها، وكريمة وطيبة فوق ما تتخيل، ودايما الطيبين بيحصل لهم مطبات في الحياة، لكن هي دمها عسل وقعدتها لذيذة وأنا بنبسط لما أشوفها".

ووجهت رسالة دعم لشيرين قالت فيها: "أنا بحبها تبقى أسرارها لنفسها، ودايما بقول لها مفيش داعي كل حاجة تبقى على الملأ، وحب الناس أهم ليكي وهو اللي باقي في الآخر".

وتابعت: "عايزاها طول الوقت تبقى قوية وجامدة، ومفيش حاجة تستدعي الانكسار والضعف، وهي هتقوم إن شاء الله".