صبري فواز يشيد بقرار مصطفى كامل بالسماح لمطربي المهرجانات بالغناء

أشاد الفنان المصري صبري فواز بقرار نقيب الموسيقيين مصطفى كامل بالسماح لمطربي المهرجانات بالغناء، بعدما كان قد هاجمه سابقا بسبب تصريحاته عن رفضه هذا النوع من الأغاني.

صبري فواز كتب، على حسابه الخاص على موقع "الفيس بوك": " على فكرة ..القرارات اللي طلعت من نقابة المهن الموسيقية النهارده، حاجة كويسة جدا .. انك تستوعب كل مؤدي المهرجانات و تعمل لهم شعبة في النقابة _أيا كان اسمها مش مهم الإسم_ و يدفعوا اشتراكات و رسوم هاتفيد النقابة و اعضائها ..دا غير انك هاتشغل مع كل واحد منهم مجموعة من العازفين من أعضاء النقابة .. هايفيد العازفين و هايطور أداء مغنيين المهرجانات."

وأضاف: "و ده كان الغرض من البوست اللي عمل دوشة ..انه المنع لا يفيد لا النقابة و لا المغنيين .. و آدينا شفنا بعينينا ان المنع ما قدرش يحجب ( حاجة ) زي أنتش و اجري من الانتشار .. يبقى ايه الطريق الأنسب ؟ الطريق الأنسب هو اللي النقابة عملته ده ".

وأكد أنه سعيد بهذا القرار برغم ما قاله مصطفى كامل عنه ووصفه بالجاهل، حيث قال: "برافو بجد ..و بالتوفيق للجميع .. و لو ان النقيب قال عليا جاهل في احد البرامج .. بس انا مسامح عشان القرارات الحلوة دي .. قشطة يابا ؟".