محمود سعد يهاجم والد حسام حبيب ويطالبه بالاعتذار لابنه

هاجم الإعلامي المصري محمود سعد، والد الفنان حسام حبيب، وطالبه بالاعتذار لابنه، بعدما وصفه بأنه "تربية واحدة ست".

محمود سعد قال: "إمبارح الأب حب يعاتب ابنه ويقول له كلام جارح ومهين، إنت عملت وسويت أصلك تربية وحدة ست، وإذا كان كتب الكلام ده فعلا لازم تعتذر لابنك".

وأضاف: "الستات بتربي العيال بسبب خيبة الرجالة وظلمهم وقهرهم للستات، لإن الأب مشغول مش فاضي، أو يروح يتجوز واحدة تانية ويسب لها العيال تشتغل وتكافح، تقوم تقول له إنت تربية ست تقصد بها الإهانة! أظنك كنت تقصد بيها الشرف وإن الست عرفت تربي".

وتابع: "الست لما تربي نعمل لها احتفالات ونقول لها إنت ست عظيمة وكافحتي، لإن مش ضمن مسؤوليتها الأساسية تربي وتنفق وتعمل كل حاجة، وأنا من أجمل الحاجات اللي حصلتلي إني تربية ست، وعرفت يعني إيه جدعنة وشهامة، وست عندها أربع عيال والشارع كله بيحترمها".