الحاجة صيصة تطالب منى زكي بزيارتها: بحبها من أيام "الضوء الشارد"

ترددت أنباء مؤخرا عن استعداد النجمة المصرية منى زكي لتجسيد شخصية الحاجة صيصة، التي تنكرت في ملابس الرجال لمدة 45 عامًا بعد وفاة زوجها، بهدف تربية ابنتها الوحيدة.

الحاجة صيصة طالبت منى زكي بزيارتها في بلدها الأقصر لترى حالتها على الطبيعة، وقالت: "عايزة منى زكي تيجي وتشوف حالي عشان تجسد شخصيتي صح.. وتيجي تشوف حالي وحقيقتي عشان تطلع شخصيتي صح".

وأضافت: "وناس كتير بتقول منى هتجيكي وأنا حابة أشوفها، وبقول لمنى زكي لو مش هتيجي مش هقبل بتجسيد شخصيتي.. تعالي يا منى شوفيني أبوسك وتبوسيني وأنا بحبها من أيام دور فرحة".

ووجهت رسالة لمنى، قالت فيها: "إنتي يا منى فوق رأسي وزي بنتي وعايزة أشوفها في الأقصر، وكل الناس هنا بتقولي أنا قبضت فلوس عشان المسلسل اللي هيتعمل ودا مش حقيقي".

وطالبت الحاجة صيصة أسرة مسلسل "تحت الوصاية"، بتعويض قيمته 300 ألف جنيه.