رضوى الشربيني تعلق على عودة شيرين عبدالوهاب لعصمة حسام حبيب

علقت الإعلامية المصرية رضوى الشربيني على عودة الفنانة شيرين عبدالوهاب لعصمة الفنان حسام حبيب، بعد الخلافات الشديدة التي وقعت بينهما خلال الفترة الماضية.

رضوى الشربيني دافعت عن شيرين، في برنامجها "هي وبس" على قناة cbc سفرة: "إزاي تقولوا على شيرين عبد الوهاب معندهاش كرامة، حد يقولي حسام حبيب غلط في ايه؟.

وأضافت: "شقيق شيرين هو اللي قال تصريحات مش كويسة في حق شقيقته وكان في حد من مصلحته أن تكون نفسية شيرين مش كويسة".

وعن عودة شيرين لحسام حبيب، قالت: "أحنا مالنا مترجعلوا اللي بيشيل قربة مخرومة بتخر على دماغه أحنا أيه مشكلتنا أن شيرين وحسام يسيبوا أو يرجعوا لبعض.. تاريخ حسام حبيب ومداخلاته الهاتفية لم يقول كلمة سيئة في حق شيرين".

ووجهت رسالة لشيرين: "انتي إنسان غير عادي وعشان كدا حصل الضجة الكبيرة دي وكلامك قدوة لستات كتير وأى واحدة مش قريبة منك هتقول أنك ست بلا كرامة بعد هجومك من قبل بشكل عنيف على حسام حبيب".

وتابعت: "أحنا بندعمك بس خلي مشاكل بيتك جوة بيتك وكفاية عك بقى وخلوا الناس تنسى العك دا وانتي قدوة ومشهورة ولما اكلمتي قبل كدا عن العوانس أنا زعلت لأنك قدوة وصوت مصري نفتخر به وليكي جمهور كبير بيحبك وفي ضهرك وبطلب منك بشكل شخصي تاخدي بالك من كلامك".