جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

راندا البحيري توجه رسالة لبوسي شلبي بعد رفض حسين فهمي التصوير معها في مهرجان القاهرة

الاربعاء 16 نوفمبر 2022 | 02:17 مساءً
سارة إبراهيم
2118
راندا البحيري

وجهت الفنانة المصرية راندا البحيري رسالة للإعلامية بوسي شلبي بعد رفض حسين فهمي التصوير معها في مهرجان القاهرة

راندا البحيري نشرت مجموعة صور لبوسي شلبي، على حسابها الخاص على موقع "انستجرام"، وعلقت قائلة: "يشهد ربنا سبحانه وتعالي علي كلامي اللي طالع من قلبي … من غير اي حسابات و لا فكرت فيه قبل ما اقوله ♥️ الست دي من انضف و اجدع و احسن الشخصيات اللي ممكن تعرفهم علي مدار حياتك كلها".

وأضافت: "حسيت معاها بإني في أمان دايماً إحساس محستهوش مع اقرب الناس و لا حسيته وانا مع ناس مثلا اقربلي منها … عمرك ما تحتاجها في حاجه و تكسفك و عمرك ما تمدلها ايدك حتي لو علي خلاف معاها و تقولك لا .. حتي لو كنت انت اللي غلطان".

وتابعت: "وبوسي شرف لأي مكان تتواجد فيه … هي بتزود أي مكان و بتخلي ليه روح و بهجه .. بتحب شغلها بشكل كبير و بتتفاني فيه … سماحة قلبها مشوفتهاش عند ناس كتير بحبك يا بوسي اوي و ربنا يديكي حب بجد علي اد قلبك الجميل الطيب".

وكان الفنان الكبير حسين فهمي، رئيس مهرجان القاهرة السينمائي، قد كشف عن سبب رفضه التصوير مع الإعلامية بوسي شلبي/ خلال حفل الافتتاح.

حسين فهمي قال: "رفضت أتصور لإني طلبت منها الحضور بدون التليفون، وهي علطول ماسكة التلفون وبتنقل لايف".

وتابع: "لقيتها جاية المهرجان معاها تليفون، وأنا كنت رافض هذا الموضوع وقلت للناس، مفيش داعي ننقل لايف ونصور بالتليفون وعندنا قناة dmc وقناة المحور بتنقل الحدث".

وأكد أنه لا يوجد خلاف مع بوسي شلبي، قائلا: "مفيش خلاف بيني وبين بوسي، وأنا قعدت معاها بعدها".