فيدرا تكشف سبب زواجها من الشقيقين سامح وهادي الباجوري.. وتؤكد: لم أخطف سامح من الراقصة دينا

علقت الفنانة فيدرا على زواجها من الشقيقين المخرجين سامح وهادي الباجوري، مؤكدة أنه من الأشياء التي ليس لها تفسير وتحدث لكل شخص.

فيدرا قالت: "إتجوزت سامح وبعده هادي، وتقريبا كان لازم أعمل احتكار للعيلة دي"، وأرجعت السبب إلى أنها كانت تحب حماتها جدا.

حيث قالت: "أنا كنت بحب حماتي، كانت ست جميلة ومثقفة للغاية، والحوار معاها لا يمل منه، وفي الأول لما أتجوزت سامح مكانش عندنا بيت وكنا قاعدين عند حماتي، ولما بيتنا خلص كنت بعيط ومش عايزة أمشي، وأخدت بيت قصادها عشان أتمشى أبقى عندها".

وتابعت: "حماتي كانت أمي وصديقتي ومثلي الأعلى في مرحلة مهمة في حياتي، ومكنتش آخد قرارات من غير ما أسألها وأتناقش معاها".

وأكملت "في فيلم أرض الخوف كان في بوسة وسامح كان مستحيل يوافق، لكن هي قالتله إنت فنان وهي فنانة، هل عندك معايير مزدوجة؟".

ونفت أن تكون قد تسببت في مشاكل بين طليقها الراحل المخرج سامح الباجوري، وزوجته في آخر أيامه الفنانة دينا، أو أنها حاولت تخطفه منها.

وقالت فيدرا: "أنا إتجوزت سامح لما كان عمري 18 سنة، وبعدها اطلقنا وسافرت أمريكا عشان أدرس، وإتجوزنا تاني لما كان عمري 25 سنة تقريبا، واطلقنا مرة ثانية لما كان عمري 27 سنة، وهو إتجوز دينا بعد طلاقنا الأخير بأكثر من 3 سنوات".

وعن علاقتها بالفنانة دينا، قالت: "مفيش علاقة بيني وبينها وعمرنا ما كنا أصحاب، وأنا مش عارفاها ولم تجمعنا أي حاجة غير إنها كانت متزوجة سامح في آخر أيامه".