جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

عمرو عبدالجليل عن انتقادات "الضاحك الباكي": أنا كده وبوقي كده.. وأخدت نجيب الريحاني في سكتي

الاحد 11 ديسمبر 2022 | 02:02 مساءً
سارة إبراهيم
1172
عمرو عبدالجليل

رد الفنان المصري عمرو عبدالجليل على الانتقادات التي وجهت لمسلسله "الضاحك الباكي" عن سيرة الفنان الراحل نجيب الريحاني، واتهامه باستخدام نفس إيفهاته وطريقته في الكلام، دون محاولة لتجسيد طريقة نجيب الريحاني نفسه.

عمرو عبدالجليل قال: "دي طريقتي أنا كده بوقي كده، يعني أسيب بوقي في البيت وأروح أشتغل، كمان أنا مش بقلد نجيب الريحاني، أنا أخدته في سكتي، والحمد لله إنه عجب الناس".

وأضاف: "الدور كله كان صعب وأنا عارف إن الناس هتبص بصة غريبة، وإحنا مش بنقلد ولو اهتميت بالشكل دا غلط، والأهم نهتم بالروح والتفاصيل وأحاول أوصلها مش أقلده، ولو الرهان أقلده مش هشتغل والمونولوجست هيبقى أحسن مني لو كدا".

وتابع: "الفضل يرجع لـ المخرج محمد فاضل؛ لأنه وصلني لمعاني وأحاسيس عميقة وبيعمل بروفات ودي حاجة اختفت في الوسط الفني وبقت موضة، وبقى صعب يكون معايا الورق كامل واستفدت منه كتير وكان الوقود اللي اشتغلت بيه العمل كله وهشكره مدى الحياة وثقت في المخرج محمد فاضل، وهو اللي شجعني اعمل الشخصية وقدمتها ونجحت بالفعل".