غادة عبد الرازق: أنا خجولة جدا والناس بتفتكر إني عكس كده

أكدت الفنانة المصرية غادة عبدالرازق إنها خجولة بعكس ما يعتقده عنها البعض بأنها تتسم بشخصية قوية وحادة.

غادة عبدالرازق قالت: "أنا مبعرفش أقف قدام كاميرا إلا وأنا بمثل بس، أنا خجولة جدًا ومبحبش أظهر كتير والناس بتفتكر إني مش كده لكن الحقيقة إني خجولة جدًا".

وأضافت: "لما بكون ضيفة في برنامج ساعات بكون حادة في الكلام، وده مش بيعجبني، عشان كده بفضل لما أقف قدام الكاميرا أكون في شغلي وبمثل بس مش أى حاجة تانية".

ومن ناحية أخرى، عبرت غادة عبدالرازق عن أمنيتها في عودة البطولات النسائية في السينما، حيث قالت: "حابة إن الستات ترجع تعمل بطولة مطلقة في السينما، ومتبقاش النجومية محددة على بطل قدام بطلة".

وأكملت: "والأيام دي بقى في أعمال أبطالها نجوم كتير، مش قائم على النجم والنجمة، بس أتمنى نرجع نعمل حاجة زي باب الحديد، جعلوني مجرمًا، حاجة ليها هدف وفي نفس الوقت تكون مسلية للناس".