جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

ياسمين علي تنجو من حريق بمنزلها

الاربعاء 21 ديسمبر 2022 | 04:20 مساءً
سارة إبراهيم
556
ياسمين علي

كشفت الفنانة المصرية ياسمين علي عن تعرض إحدى غرف منزلها لحريق بسبب ماس كهربائي.

ياسمين علي نشرت صورة لغرفتها، على حسابها بموقع "انستجرام"، وعلقت قائلة: "ما بحبش الطاقة السلبية والله بس اعمل ايه طيب، امبارح الساعه 2 بليل كنت قاعدة مع بابا وماما وبنتفرج عالتليفزيون قمت عشان أروح أوضتي انام".

وأضافت: "دخلت الأوضه قعدت دقيقه شميت ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي حاقوله (لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه".

وتابعت: "كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي، لو ماكنتش دخلت الاوضه ف التوقيت اللي روحت فيه، الله اعلم كان حصل ايه".

واختتمت كلامها، بقولها: "قبلها بكام يوم كنا لسه عاملين حادثه بالعربية مع عربية نقل كبيرة، فما تنخدعوش بالضحك اللي بضحكه، كل واحد له فيلم عايشه، احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من بره".