عائلة وائل الإبراشي يمنعون أرملته من زيارة قبره في ذكراه الأولى

كشفت سحر أحمد، أرملة الإعلامي وائل الإبراشي، سبب عدم زيارتها لقبر زوجها في ذكراه الأولى، التي حلت أمس 9يناير.

أرملة وائل الإبراشي قالت إن عائلة زوجها رفضوا فتح مقبرته والسماح لها بالذهاب لقراءة الفاتحة له وقراءة القرآن الكريم في مدينة شربين بمحافظة الدقهلية، قائلة: "بيقولوا ده بدعة وحرام ومخالف للسنة النبوية".

وأضافت إنها أقامت الذكرى السنوية له في المنزل بصحبة ابنتها للدعاء وقراءة آيات الذكر الحكيم على روح زوجها الراحل.

وهاجمت أهل زوجها الراحل، بقولها: "إزاي بتطلبوا مني مروحش زيارة لوائل في المدافن عشان حرام، وفي نفس الوقت عملتوا عزاء لوالدة الإبراشي في مسجد عمر مكرم، وكان في تصوير وتشهير".

وتابعت: “أهله محدش شافهم طوال فترة مرضه، وطلبوا إعلام الوراثة بعد وفاته بـ24 ساعة فقط من وفاته، وأنا عملت إعلان الوراثة بسرعة البرق، اتعمل خلال أيام بسبب الزن اليومي، ورفضت حينها أتكلم في الموضوع ده عشان المرحوم".

وأضافت: “ميصحش إني أقف جنب جوزي طول سنة المرض قبل وفاته، وعائلته محدش فيهم كان بييجي ولا نعرف عنهم حاجة، وظهروا فقط عشان يأخذوا الميراث والفلوس، مضيفه: أنا ساكتة ومش عاوزة أتكلم".

وأكدت: "الدكاترة كانوا بيسألوا وبيقولوا هو مفيش غيرك اللي بيجي المستشفي ليه؟ مضيفة: وائل صرف عليها وطلعلها الفيزا قبل مرضه عشان تطمن على بنتها في السعودية، وقعدتي 7 أشهر محدش شافك فيها".

وتابعت: "اتهموني إني موقفتش جنب وائل 10 أيام أثناء مرضه لأني كنت خارج مصر، ونسوا إن أزمة كورونا كانت السبب، لأن كل المطارات كانت قافلة، وأنا كنت خايفة إنه يموت وأنا برة البلد ومنعرفش نمشي في جنازته".

واختتمت كلامها، بقولها: "أنا وبنتي بنتشتم طول النهار منهم، ومحدش راعى أي شيء، وعملت اجتماع مع أهل بلدها عشان يتكلموا في الميراث، ومحدش بيسأل عليهم ولا حد بيسأل عن بنت أخوهم، خلاص خدوا فلوسهم وملهمش حاجة عندي، والعلاقة اللي بينا وبينهم اقتطعت، والمفروض يسألوا على البنت مش خدتوا من فلوس أبوها يبقى لازم تراعوها وتسالوا عنها".