منة فضالي تدافع عن مساعدتها بعد اتهامها بسرقة مجوهرات دينا الشربيني

دافعت الفنانة المصرية منة فضالي عن مساعدتها، بعد إلقاء الأجهزة الأمنية القبض عليها بتهمة سرقة مجوهرات الفنانة دينا الشربيني.

منة فضالي قالت: "المساعدة خرجت بالسلامة وكويسة، وأنا تواصلت مع الفنانة الجميلة دينا الشربيني، ودينا مشكورة راحت وطلعت المساعدة".

وأضافت: "المساعدة بتشتغل مع دينا من سنين وهي مساعدتها الرئيسية، والبنت مظلومة، وممكن يكون حد عمل الموضوع ده عشان يقطع عيشها عند دينا أو لأسباب تانية".

وتابعت: "الست كويسة وكفاية إنها فقدت أمها أغلى حاجة عندنا كلنا، ماينفعش نجرح في الناس ونقول إنها حرامية، والست اشتغلت معايا سنين وعمري ما شوفت منها موقف وحش".

وأكملت: "أنا مشيت المساعدة لإنها كانت شغالة مع أكثر من حد، وأنا محتاجة حد متفرغ لشغلي".