أحمد عيد يعبر عن حزنه لعدم دعوته لحضور المهرجانات في مصر

عبر الفنان المصري أحمد عيد عن حزنه وتعجبه من عدم تلقيه دعوات لحضور المهرجانات الفنية في مصر.

أحمد عيد قال: "أنا عموما محدش بيبعتلي دعوة أحضر مهرجان في مصر للأسف، ليه ناس ونجوم كبار لا تتم دعوتهم لحضور مهرجانات في بلدهم، أنا مش عارف السبب ومستغرب".

وكان قد أوضح الفنان المصري أحمد عيد حقيقة تصريحات نُقِلت عنه وظهر منها أن صنّاع السينما والدراما لا يعيرونه اهتماماً ولا يقدمون إليه أعمالاً للمشاركة فيها.

أحمد عيد كتب، على حساباته بمواقع التواصل الاجتماعي: "لقيت تصريح متاخد من سياقه من كلام كان بيتقال بهزار.. أنا حابب أوضح إني مقصدش أشتكي ولا أبان عندي مظلومية".

الفنان المصري أضاف: " أنا الحمدلله بيتعرض عليّ شغل كتير وأنا اللي مش عايز أشتغل غير اللي شايفه كويس احتراماً لنفسي وللجمهور".

وتابع: "أنا مش فارق معايا أشتغل أصلاً أو مشتغلش، المهم أعمل اللي أنا مقتنع بيه، أنا مادياً مش محتاج ولا عندي مشكلة الحمد لله وكلامي بيتحوّر أحياناً عشان أبان بشتكي أو مظلوم ليه مش عارف".