أحمد التهامي يتهم صناع فيلم "تاج" بطولة تامر حسني بسرقة فكرته

اتهم الفنان المصري أحمد التهامي صناع فيلم "تاج" بطولة الفنان تامر حسني، بسرقة فكرته التي سبق وسجلها في الشهر العقاري باسمه.

أحمد التهامي كتب، على حسابه بموع "الفيس بوك": "أنا سكت كتير عن حقي عشان ما زعلش حد مني.. اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني وقولت كل شيء نصيب والحمدلله على حب الناس والدنيا مستورة والحمدلله".

وأضاف: "إنما توصل إن مشروعي مشروع عمري اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إن هيجي يوم واعمله يتسرق مني، ويعمله حد تاني بغض النظر ده فيلمي ومشروعي وأنا أول واحد من ١٠ سنين فكرت في فكرة البطل الخارق وطول الفترة دي كان يتسرق أجزاء من الفيلم وأقول عادي.. إنما (التوأم الخارق) ده بتاعي ومسجله في المصنفات والشهر العقاري".

وأكد أنه لم يستطع التواصل مع تامر حسني، قائلا: "تامر حسني صاحبي وأخويا وأكيد مايعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل لـ تامر حسني ومعرفتش".