ساندي تكشف كواليس تعاونها مع تامر حسني في فيلم "تاج"

كشفت الفنانة ساندي كواليس تعاونها مع الفنان تامر حسني في فيلمهما الجديد، والذي يحمل اسم "تاج"

ساندي قالت إنها اضطرت لإعادة التصوير أكثر من مرة بسبب الضحك من إفيهات تامر حسني، قائلة: "بكون حافظة المشهد بس أول ما أشوف تامر بيضحكني وبدل ما أقول الجملة بتاعتي أقول الجملة بتاعته، وبنرجع نعيد من الأول وبيفضل يرمي إفيهات".

وأكدت أن تامر حسني يدعمها بشكل كبير خلال التصوير، قائلة: "لما يلاقيني قلقانة بيفضل يهديني وأحيانا بيديني الريأكشن بتاعي اللي أعمله عشان أركز وأطلع الإحساس مظبوط".

وأضافت: "الفيلم نقلة كبيرة في السينما وتامر تعب جدا فيه هو كأنه فيلم غربي وكل حاجة معموله بشكل حلو".

وعن كيفية ترشيحها للدور، قالت: "تامر حسني حكى لي قصة الفيلم من سنة ونص، وهو دايما بيقول أنه متأثر بعد الحليم حافظ ومايكل جاكسون وسوبر مان، بعدين عمل فيلم "بحبك" الأول، وبعد فترة اتقابلنا في فرح أحمد عصام واتكلمنا تاني وطلب مني أعدي عليه وقت التصوير روحت وحكالي الفيلم تاني وقالي أنتي معانا، وبعدها كلم المخرجة سارة وفيق وقالها وهي رحبت".