بالفيديو.. رضوى الشربيني تعلق على سجدة زوجة حسن شاكوش في حفل زفافهما

علقت الإعلامية المصرية رضوى الشربيني على سجود زوجة مغني المهرجانات حسن شاكوش، خلال حفل زفافهما الذي احتفل به يوم الجمعة الماضية، التي أثارت ضجة كبيرة على السوشيال ميديا.

رضوى الشربيني قالت، في برنامجها "هي وبس": |هقول إيه ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس، صحيح هي حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده".

وأضافت: "كل واحد من حقه يعبر عن فرحته بالطريقة اللي تعجبه، تعليقي أنا على الواقعة بعيد عن ريم طارق أنه إزاي أنا واحدة ست هانم انزل على ركبي ومنها على الأرض قدام الناس بفستان الفرح ميصحش، وأنا كأنثي بأقول لا".

وتابعت: " ومشكلتنا والخوف لو تحول الأمر إلى تريند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها"..

وأكملت: "ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، ده لما بنصلي الستات بتصلي لوحدها والرجالة لوحدها، ازاي واحدة ست تسجد قدام الرجالة دي كلها".