تامر حسني يكشف تفاصيل مرض أحمد ثروت نجل محمد ثروت: كلمته أهون عليه لاقيته مش محتاج

نشر الفنان المصري تامر حسني فيديو للمخرج والمطرب أحمد ثروت، ابن الفنان محمد ثروت، بعد إصابته بمرض مناعي نادر اسمه "ميلر فيشر"، واستعداده للسفر للعلاج بالخارج.

تامر حسني كتب: "أحمد ثروت صديقي وابن الفنان الغالي اوي المطرب الكبير محمد ثروت بمنتهي الحب والرضا والإيمان تقبل محنه كبيرة من ربنا انه يصاب بمرض نادر يأثر على رجله وميمشيش، وكان بيحضر لزواجه".

وأضاف: "وفي كلامي معاه قولتله انا كنت بكلمك اهون عليك والحقيقة لاقيته مش محتاج وهو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بأيدك تحول المحنه لمنحه وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي".

وأكمل: "وفضل يحكي طول المكالمة عن حب أسرته واهتمامهم بيه واخلاص خطيبته وقد ايه الموقف بين معدنها الأصيل وازاي بتسانذه وبتسهر على رحته طول الوقت، انا كمان بشكرهم وبشكرها جدا وبحييها على قلبها وتربيتها الأصيلة".

واختتم كلامه، بالدعاء له، قائلا: "ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة الي انا شوفتها النهاردة وافرح معاك في فرحك قريب ان شاء الله، ادعوله معايا يا شباب ربنا يشفيه ويشفي كل مريض".