نهى العمروسي: جاتلي فترة شكيت في كل الأديان وبدأت أصلي متأخر

قالت الفنانة نهى العمروسي إنها أخذت قرار الصلاة بعد تخرجها في المعهد العالي للسينما، بعدما وجدت الله في قلبها، وأنه قريب منها دائمًا.

نهى العمروسي قالت: "بدأت أصلي متأخر عشان بعد ما دورت على ربنا ولقيته جوانا، ولما لقيته أقرب حاجة لينا وإحنا مش متخيلين، وهو الحب ومننا وجايين من عنده ورايحين عنده".

وأضافت: "أنا جاتلي فترة شكيت في كل الأديان، ووصلت في النهاية إلى إن ربنا حب وجمال وخير وعدل وكل حاجة حلوة، وشفته وحسيت بيه في كل الأديان، كل دين رايح لربنا واتجاهه رايح لربنا، والهندوسية مفيهاش نبي وملهاش كتاب".

وتابعت: "كتبت مرة 9 قيم في الهندوسية مليئة بالعطاء والخير والتبادل وقمة الصوفية، ومتفرقش معايا القيم حتى لو جاية من البوذية أو الإسلام أو اليهودية، المهم أنها قيمة عالية".