حمدي الميرغني يكشف تفاصيل تعرضه للغرق في فيلم "أوشن 14"
الاحد 02 ابريل 2023 | 02:44 مساءً
سارة إبراهيم
458
كشف الفنان المصري حمدي الميرغني عن موقف صعب تعرض له في كواليس تصوير فيلم "أوشن 14"، حيث كاد أن يغرق لولا عامل بسيط أنقذه.
حمدي الميرغني تحدث عن أزمته مع السباحة وتصوير مشاهد في المياه، وقال: "في فيلم كنت بصوره غرقت فيه، مش بخاف من المايه وبعرف أعوم لكن في مكان يكون ليا في طول، لكن أي مكان مليش في طول عندي قناعة أني هغرق".
وأضاف: "في مشهد في فيلم "أوشن 14" مع نرمين ماهر ومجاميع من روسيا كنا بنصور في حمام الساحة، قبل ما أنزل المايه سألت أن كان هيبقى ليا طول، وفعلا نزلت المايه وبدأنا تصوير وبدأ المجاميع يشدوني لناحية مفيهاش طول".
وتابع: "ونرمين بقت بتغرق وأنا غرقت معاها وهما بيتفرجوا علينا وفاكرين أن دا في المشهد لحد ما عامل شافنا ونط بهدومة أنقذنا، وبقيت برفض أي مشاهد فيها سباحة أو ركوب موتوسيكلات".