كريم فهمي يكشف تأثير انفصال والديه على حياته

اعترف الفنان كريم فهمي بأن انفصال والديه في مرحلة مراهقته غير طريقة حياته بالكامل.

كريم فهمي قال: "من أول ما إتولدت لغاية سن 15 سنة كان تقريبا في بقي معلقة دهب. كنا عيلة متوسطة، لكن أهلي سعوا عشان يكون عندنا أحسن حاجة، وأنا وأخويا أحمد ندخل أحسن مدارس".

وأضاف: "هما انفصلوا وأنا تقريبا في سن 15 سنة، في مرحلة ثانوية عامة، وساعتها كنت فاكر إني كبرت وفاهم الحياة".

وتابع: "بعد الانفصال حصل انهيار تام في كل حاجة، وفي الفترة دي أنا وأحمد كنا كل واحد عايش لوحده ومسؤول عن نفسه، وبدأت أشتغل وأشوف الصعوبات، عشان الدروس في ثانوية عامة ولما دخلت الجامعة".