أسماء جلال تعلق على طرح قضية المساكنة في مسلسل "الهرشة السابعة"

تحدثت الفنانة المصرية أسماء جلال عن شخصية "سلمى" التي قدمتها في مسلسل "الهرشة السابعة" وكواليس تحضيرها لها.

أسماء جلال قالت: "الدور كان صعب لكن بسيط، أهم حاجة كان لازم يظهر أنها إنسانة طبيعية عاشت تجربة صعبة وفي حاجات جواها بتطلع فجأة مش لازم تظهر في كلام ممكن تكون بنظراتها، والمخرج كريم الشناوي محترف في تقديم هذه النوعية من الأعمال".

وأكدت أن شخصية "سلمى" لا تشبهها لكنها حاولت أن تتقرب منها وتفهم مشاعرها، قائلة: "الشخصية مش شبهي لكن عشان أقدم أي شخصية لازم يكون في خيط بيني وبينها ممكن يكون مجرد أني تخيلت هي مرت بإيه، لازم أحس إحساسها عشان أقدر أمثله، لكن هي مش شبهي".

وعن طرح فكرة المساكنة، وأوضحت أنها لم تقلق من رد فعل الجمهور عن طرح هذه الفكرة، قائلة: "لم أقلق من طرح فكرة المساكنة لأن أنا لما بقدم دور مش بقول أسماء جلال بتؤمن بإيه، أنا ممثلة بتجرد من كل حاجة وبمثل وأكون جاهزة لتجسيد صورة من الواقع هو نموذج موجود في الحياة لكن ملوش علاقة بيا وأنا بؤمن بإيه".