محمد فؤاد: بسافر ألمانيا علشان أتعالج من إصابتي بسبب مقلب رامز جلال

كشف الفنان المصري محمد فؤاد ما حدث معه بعد تعرضه لمقلب الفنان رامز جلال في برنامجه " رامز نيفر إند".

محمد فؤاد أكد أنه حدثت له مشكلة في الظهر يسافر بسببها إلى ألمانيا ليأخذ "حقنة" للعلاج، قائلا: "كله أفتكر أن حصلي حاجة ودا كان مؤشر رائع أن ناس كتير ابدت انزعاجها خوفا عليا وأنا باقول يارب أكون ربع اهتمامهم دا استاهله".

وأضاف: "اللي حصل مأثرش على عملية التكميم ومش هرفع قضية على رامز جلال، اللي حصل خبطة جوا الغسالة دي مخلياني من بعد البرنامج روحت ألمانيا 4 مرات أخد حقنة بس الحمد لله".

وسبق وكشف محمد فؤاد أنه كان على علم بمقلب رامز جلال في برنامج "رامز نيفر إند" قائلا: "أنا مشوفتش أي حاجة فيها قلة أدب بصراحة، عارفين إن إحنا رايحين لرامز جلال، ودراعي كان هيتكسر واتخدش، وروحت وهروح له تاني".