جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

ميار الببلاوي تبريء وفاء مكي من قضية الخادمتين

الاثنين 08 مايو 2023 | 10:49 صباحاً
سارة إبراهيم
849
ميار الببلاوي

كشفت الفنانة ميار الببلاوي عن براءة الفنانة وفاء مكي في قضية تعذيب الخادمتين، وذلك بعد مرور 23 عاما على تلك الحادثة.

ميار الببلاوي قالت: "الموضوع تم فتحه حاليا وانا متكلمتش فيه وأنا مريضة قلب ومفيش مرة دخلت عملت عملية وبقيت قبلها أدعي ربنا يمد في عمري لحد مقول كلمة الحق".

وأضافت: "أنا كنت عاوزة أقول حاجة بس مش عارفة الطريق وجوايا صراع أن كلامي دا هيعمل حاجة ولا لا بقالي 23 سنى تعبانة وبقول يا ترى لو كنت قولت شهادتي كان هيتاخد بكلامي".

وكشفت ما حدث، بقولها: "لما اتجوزت مكنتش شاطرة ومش بعرف أعمل حاجة في البيت وجوزي كان عاوز يجبلي ناس تساعدني كان معايا بنت بتساعدني مدة طويلة واتجوزت ومشيت وبوابة العمارة قالتلي في واحدة تحت معاها بنتين عاوزين يشتغلوا".

وتابعت: "بنت منهم هرشت في شعرها ولقيت شعرها أقرع وقولتلها ايه دا قالتلي دول اللي كانوا عند الأستاذة وفاء مكي والبنت عندها قراع ووفاء حلقتلها شعرها ورفضت أن تعملا البنتين معي ولكنهما كانتا بصحة جيدة لكون بدون شعر وخفت منها أن تعدي ابني".

وواصلت: "شهادتي اللي بقولها إن البنات جم من عند وفاء مكي مكانوش محروقين ولكن حالقين شعرهم والست مشيت وخدت البنات وتفاجأت بكلام الجرائد بتعذيب البنات ولما شفت صورهم قولت ادة دول اللي الست كانت جيباهملي وكلمت صحفي معروف وكان صديق عزيز ليا انا ووفاء وقولته الموضوع دا غلط ووفاء معملتهمش حاجة وهما جم من عند وفاء مكي لعندي ثم راحوا البلد والمصور قالي فيه شخصية عاوزة تأذي وفاء وكلامك مش هيودي وهيأخر".

واختتمت كلامها، بقولها: "كل الكلام دا كان من 23 سنة وربنا مد في عمري عشان اقول كدا والحمد الله اني قولت والموضوع دا كان تاعبني".