بسمة وهبة تبرئ زوجة حسن شاكوش: كان عارف بزواجها السابق

دافعت الإعلامية بسمة وهبة عن ريم طارق، زوجة الفنانحسن شاكوش، بعد أزمتها الأخيرة، وكشفت كواليس ظهورهما سويا في إحدى حلقات برنامجها "العرافة" الذي عرض في رمضان الماضي.

بسمة وهبة قالت: "خدت شيخ العرافين على جنب واتخانقت معاه وقولتله أنا اللي باخد الكلام في الأخر وبيقولوا إن أنا خرابة بيوت، ودا بقى خراب بيوت فعلا .. إنت مكنش ينفع تقول كده..وفي حاجات كمان اتشالت في المونتاج واتخانقت مع شيخ العرافين وقلت له أنت كده بتخرب البيوت والناس بتهاجمني أنا".

ونفت أن يكون طلاقهم بسبب هذه الحلقة، حيث قالت: "لو كان طلاقهم بسببي كان إيه اللي هيخليهم قاعدين كل ده من بعد الحلقة كويسين؟".

ودافعت عن ريم بعد اتهامها بإخفاء زواجها السابق عن حسن شاكوش، حيث قالت: " في حاجة طالعة بتدين ريم وأنا هبرأها منها .. بيتقال إن ريم كذبت في إنها كانت متجوزة قبل كدة لا ريم مكذبتش وهي قاعدة لما هاجمتها وقولتلها ليه عملتي سجدة الشكر قدام الناس فقالتلي لا أنا كنت سعيدة وحاسة إن ربنا بيعوضني عن تجربة عانيت فيها.. هي التجربة دي إيه؟ ما أكيد تجربة جواز".

واختتمت كلامها، بقولها: "ريم رافعة قضية على طليقها، إزاي متعرفش دا انت داير يا حسن".