بالفيديو.. عادل إمام يفاجئ شريف عامر بمكالمة هاتفية ويمازحه: انت بتضحك ليه؟

فاجأ الزعيم عادل إمام، الإعلامي شريف عامر، باتصال هاتفي على الهواء مباشرة ببرنامج "يحدث في مصر"، حيث صادف يوم احتفاله بعيد ميلاده.

وبمجرد ما عرف شريف أن عادل إمام سيتحدث معه ضحك، فمازحه عادل إمام قائلا: "أنت بتضحك ليه.. أحنا لسه قولنا حاجة؟، أنت بضحك ليه".

ورد شريف عامر، قائلا: "بضحك لأني مبسوط وعلشان فيه عادل إمام في حياتي".

ورد على تهنئة شريف عامر له بعيد ميلاده، قائلا: "وأنت طيب يا شريف، وأنت طيب يا حبيبي".

وتابع شريف عامر: "أنا هسكت خالص من السعادة، وانت عارف قيمتك عندنا ولا لا"، ليرد عادل إمام: "لا قولي انت قيمتي عندكوا أيه؟".

فقال شريف: "إنت علمت بنتين من بناتي عربي، وكنت باخد إجازة علشان أروح أفلامك في السينما"، ليرد عادل إمام مازحا: "أنت عايز تقولي إنك ابن ناس وبناتك ميعرفوش عربي".