حورية فرغلي تنفي خطوبتها من نزار الفارس: هرفع عليه قضية

نفت الفنانة المصرية حورية فرغلي كل ما ذكره الإعلامي العراقي نزار الفارس عن خطوبتهما، مؤكدة أن هذا الأمر لم يحدث وأنه خدعها.

حورية فرغلي قالت: "أنا بقيت أخاف من الناس فعلا.. بيكلموني من اسبوع عايزين يجو يصورو معايا ووافقت والحلقة اتصورت يوم الحد الي فات ودخلتهم بيتي، كان فريق البرنامج من مصورين وعمال إضاءة وأنا كان معايا والدتي والكلب بتاعي وكنت أول مرة أشوفه امبارح في حياتي".

وعن رقصتهما سويا قالت: " قالي انتي بتحبي ماجد المهندس؟ قولتله أه فقالي تحبي ترقصي على أغنية ليه فمرضتش أكسفه كنت بجامله وفوجئت بيه بيصور فيديوهات من ورايا وأنا متخطبتش لنزار ولا لأي راجل في الدنيا.. أنا هرفع عليه قضية هو خطبني من مين؟".

وأضافت إن فيديو تعليمات الخطوبة كان على سبيل المزاح بينهما، وقالت: " أنا مش هعمل لقاء تاني أنا فتحتلك بيتي وانت عملتلي مشاكل مع أهلي وعيلتي.. وكنت تعبانة ليه من ورايا تعمل كدا".

وأشارت إلى أن كل ما كان يقوم به تعاملت معه على سبيل المزاح وأنه يجري الحوارات من أجل التريند فقط، وأضافت: "أنا مش معايا حتى رقم تليفونه وهما عملوا عليا فيلم هندي، أنا ممكن أرفع قضية وفي شهود العمارة كلها شاهدة".

وتابعت: " انت جاي تعمل بروباجاندا وأنا واحدة من ضحاياك مش من حقك تجيب خبر عني إفرض أنا متجوزة في السر أنا ممكن أعملك قضية رد شرف.. أنا مش ندمانة علشان دا كان درس ليا".