عمرو مصطفى يحرج أحمد سعد بسبب ملابسه في جدة

رد الفنان عمرو مصطفى على تصريح الفنان أحمد سعد، والذي علق من خلاله على ظهور أول مطرب بتقنية الذكاء الاصطناعي، والذي أعلن عنه عمرو مصطفى قبل أيام.

حيث علق أحمد سعد مازحا: "الاستاذ عمرو مصطفي هتعمل مغني بال (AI) ليه، احنا قصرنا معاك في حاجة"، ليرد عمرو مصطفى قائلا: "لو هرد على أحمد سعد بطريقة شريرة، هقول له علشان أعرف ألبسه يا أحمد".

وأضاف عمرو مصطفى: "علشان أعرف ألبسه براحتي، عايز ألبسه كلاسيك، ولو هرد عليه طيب هقول له يا أحمد اللي يعجبك غنيه".

وردا على سؤال عن رأيه في ملابس أحمد سعد في حفله الذي أحياء مؤخرا في جدة، قال: "كل بني آدم حر، بس إحنا عندنا أجيال بتمشي ورانا والموضوع مش تريند، ولادي وأولادك وأحفادك لازم يشوفوا القدوة بشكل جيد".

وتابع: أنا علي فكرة من أكثر الناس اللي أشكر في أحمد سعد، وعلى فكرة إتظلم كتير، لإنه صوت كان المفروض يطلع من زمان".