ميرهان حسين تتراجع عن قرار الاعتزال

أعلنت الفنانة المصرية ميرهان حسين تراجعها عن قرار اعتزالها الذي اتخذته مؤخرا.

ميرهان حسين نشرت، على حسابها بموقع إنستجرام، مقطع فيديو وجهت من خلاله رسالة لجمهورها قائلة: "أولا وحشتوني جدا، وآسفة بجد إني اختفيت عنكم الفترة دي".

واضافت: "بس أنا اختفيت عنكم علشان كنت عايزة أرجع لكم أحسن من الأول، وكنت محتاجة فترة أبقى فيها أحسن".

وتابعت: "بجد مش عارفة أشكركم إزاي على كلامكو واهتمامكو وحبكو ليا اللي أنا شوفته الفترة دي".

وأكملت: "وعايزة أقول شكرا لكل صحابي وأهلي وزمايلي والناس اللي بتحبني، لولاهم مكنتش عديت الأيام اللي فاتت".

وأوضحت: "بخصوص موضوع اعتزالي، أنا مكنتش أقصد إني بعتزل الفن، كنت أقصد إني بعتزل السوشيال ميديا والناس لفترة، علشان عديت بفترة إحباط جامد، وأوعدكو الفترة الجاية بحاجات حلوة وميرهان اللي بتحبوها".