فيفي عبده تخضع لعملية جراحية وتكشف تفاصيل أزمتها الصحية: حسد وعمل

كشفت الفنانة المصرية فيفي عبده تفاصيل خضوعها لعملية جراحية في العمود الفقري مؤخرا، بعد شعورها بصعوبة في الحركة.

فيفي عبده قالت: "فجأة لقيت الغضروف قفل على العصب، وابتدت رجلي تتقل ومش قادرة أمشي، ربنا يتم شفائي لأن الصحة تاج، ومال الدنيا من غير صحة ولا حاجة".

وأضافت: "وأنا داخلة أعمل العملية بيدورا على العروق في إيدي مش لاقيين، وابتدوا يعملوا لي فحص لقوا القلب فيه رفة، وطلبوا بسرعة دكتور قلب وأخذت مخدر وعملوا منظار على القلب علشان يشوفوا هل القلب تعبان فعلا، ولما اطمنوا كان جاهزين بغرفة عمليات العمود الفقري".

واعتبرت فيفي عبده أن تعرضها لأزمات صحية متتابعة سببه الحسد وعمل معمول لها، حيث قالت: "لأول مرة أطلع لجمهوري وأقول ارحموني، الحسد زاد عن حده معايا وتعبت، ومش عايزة أضعف وأطلع أقول لهم أنا محسودة، أنا دايما واقفة زي الأسد".

وتابعت: "وأكيد مليون في المية معمول لي عمل علشان متحركش من السرير، ولو أعرف مين اللي عمله أبوس رجلك فك العمل، حرام عليك أفضل في السرير أقوم من حاجة ألاقي حاجة".