حسن شاكوش يرد على تصريحات طليقته ريم طارق

رد الفنان حسن شاكوش على تصريحات طليقته ريم طارق، واتهامها له بخيانتها.

شاكوش قال في مقطع فيديو نشره: "عارفين المشكلة اللي كانت بيني وبين الإنسانة اللي كانت مراتي وكنت ساكت جدًا والفترة اللي فاتت نزلت بوست على صفحتي، وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت، وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة".

وتابع: "شغلنا معتمد على سمعتنا واتجاهي واتجاه شغلي للبنات وللمجتمع بتاعي واللي بيحبني وكل اللي بيسمعني ناس محترمة، وليهم كل التحية والتقدير وما ينفعش أجيب سيرة واحدة وحش، وده اللي اتربيت عليه واللي أهلي ربوني عليه لأني من منطقة شعبية وراجل صعيدي، وما اتكلمتش مش خوف ولا ضعف ولكن علشان الإنسانة دي كانت مراتي ما بينفعش اتكلم في حاجة تمسني أو تمسها لأني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الألفاظ اللي سمعتها".

وأضاف: "أهلي اللي اتشتموا على السوشيال ميديا وكنت بقول لهم محدش يتكلم، وكنت طول الفترة اللي فاتت في ضغط عصبي وفي عز المشاكل ما اتكلمتش، طلعت أوضح المعلومة وأني ليا حق الرد وأن زي ما الست المصرية عندها شرف وكرامة لازم نحترمها والراجل كمان عنده شرف وكرامة وبقول كفاية كده لازم لما تسمعوا من الطرفين وللأسف وصل بينا المرحلة أننا نتكلم في شرف الراجل وشرف الست واللي سمعته في حقي ما يرضيش ربنا".

واختتم كلامه قائلا: "أنا اتجوزت 55 يوم فقط، واللي كنت هتكلم فيه طليقها اتكلم فيها وقاله".