تامر أمين ينتقد إطلالة محمد رمضان العارية في حفله في الساحل الشمالي

انتقد الإعلامي تامر أمين إطلالة الفنان محمد رمضان في الحفل الذي أحياه مؤخرا في الساحل الشمالي، بسبب عودته للظهور نصف عارٍ على المسرح.

وقال تامر أمين: "ليه في كل حفلة لازم أقلع، هو القلع كيف عندك؟، اللي يعمل كده شخص صغير أو مش معروف، عايز يعمل تريند أو حاجة شاذة علشان الناس تشاور عليه ويتعرف".

وأضاف: "لكن لما تبقى من أهم وأشهر النجوم، ومن أكثرهم نجاحا وأكثرهم ألمونيا يعني فلوس، لازمته إيه الإثارة وأفعال تسبب لك الانتقادات، إلا إذا كان كيف".

وتابع: "إتكلمنا في الموضوع قبل كده، ونقابة المهن الموسيقية قالت كده غلط وطلعت عقوبات عليك، وأعتقد بعض الفنانين التزموا ووقعوا إنهم مش هيطلعوا كده على المسرح، هل عندك حساسية من القمصان أو مشكلة مع التيشرتات؟".