حسام داغر ينعي منحة زيتون الشهيرة بـ "أم فرحات" بكلمات مؤثرة
نعى الفنان المصري حسام داغر الفنانة الراحلة منحة زيتون، الشهيرة بـ "أم فرحات" في فيلم "همام في امستردام"، والتي وافتها المنية صباح اليوم.
حسام داغر نشر صورة لمنحة زيتون، على حسابه بموقع "انستجرام"، وعلق قائلا: “ منحة زيتون صديقتي و عشرة العمر توفت صباح اليوم .. في هدوء … عشتي خفيفة و رحلتي خفيفة .. متحبيش تحملي حد حزنك و مشاكلك و تعبك .. رحتي لربنا يا بنت الناس الاصيله".
وأضاف: "اشتغلنا سوا مسرح من ٢٠٠١ فرق المسرح الحر و ياما ضحكنا كتير من الي بيحصل معانا و ياما حصلنا مواقف سوا حلوة .. شاركتيني اغنيه شكرا اطيب قلب لما عملتها لامي قبل وفاتها علشان عيد الام و كنت مبسوطه و تقوليلي انا اعمل اي حاجه علشان ماما حبيبتي".
وتابع: " السلام امانه لماما لما تشوفيها .. مش لاقي حاجه تانيه اعبر بيها عن حزني غير اني اشوفك في الاغنيه و حاسس كلامها ليكي انتي دلوقتي .. شكراً اطيب قلب .. شكراً يا منحة ❤️💔 ".