هنا الزاهد: عيدنا تصوير مشاهد كتير في "سيب وأنا سيب" بسبب الضحك مع أحمد السعدني

تحدثت الفنانة المصرية هنا الزاهد عن كواليس مسلسل "سيب وأنا أسيب"، وتعاونها الأول مع الفنان أحمد السعدني.

هنا الزاهد قالت: "في مشاهد كتير كنت بضحك بجد ومش قادرة أوقف ضحك، عيدنا المشاهد كذا مرة والمخرج أستاذ وائل إحسان بيحب الطبيعية في مشاهد كان بيظهر ابتسامتي وضحكتي لأن الشخصية "بيلا" بتحب "إبراهيم" فطبيعي لو ضحكت أو ابتسمت".

وتابعت: "أنا وأحمد السعدني قبل المسلسل مكناش أصحاب، هو ممثل شاطر أنا بحبه كممثل بس كإنسان مكنتش أعرفه، ومن أول قعدة لينا في القاهرة عرفت أنه من جواه زي الأطفال".

وأضافت: “ ولما سافرنا لبنان لتصوير المسلسل بقينا أصحاب جدا، هو شخص مجتهد ومن أكتر الناس اللي استمتعت معاهم بالشغل، والجمهور حاسس بالكيميا بينا هو عنده طاقة إيجابية رهيبة وتبتسمي أول ما تشوفيه".