زوجة أحمد سعد الرابعة علياء بسيوني تعلن طلاقهما: أشكره على أصله الغير طيب

أعلنت علياء بسيوني، زوجة الفنان أحمد سعد، طلاقهما، مؤكدة أن الطلاق جاء بناء على رغبة أحمد سعد وليس رغبتها.

علياء كتبت منشور قالت فيه: "الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله الغير طيب ومعدنه السئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.

وأضافت: "وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك.

وتابعت: أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت.

وعلياء بسيوني هي الزوجة الرابعة لأحمد سعد بعد زوجته الأولى وأم أولاده لبنى، وزوجته الثانية الفنانة ريم البارودي، وزوجته الثالثة الفنانة سمية الخشاب.