أصالة تكشف تفاصيل ألبومها المصري الجديد "لحقت نفسي"

تستعد الفنانة السورية أصالة لطرح ألبومها المصري الجديد قريبا، والذي يحمل عنوان «لحقت نفسي»، ويضم 6 أغنيات.

وعلقت أصالة قائلة: «بقدّملكم كلّ الاوقات الحلوه المليانه محبّه وصحبه وعمل دؤوب لإنجاز مشاهد منّ مواقف من مشاعر .. أغاني بتحكي عنّي وبتحكي عنكم.. عشنا أنا وحبيبي شريكي وصديق الرّوح فايق أيّام طويلة بأماكن كتيره لنرسم كلّ صوره وكيف لازم تطلع بأحلى وأطيب مايمكن».

وأضافت : «بدًي أشكر كلً صديق عزيز موجود إسمه بالأغاني الستّه اللي رح تسمعوها وبعد وقت قليل رح أتبعهم بستّ أغاني بتقديم مختلف.. وشكرا لاخي وسندي أنس وفريق كبير معه بيساندني وبيفكًر لي .. وشركة كبيرة مجتهده رائده بالموسيقى وكتير منّ باقي الفنون بيتي الحنون (روتانا ) وكل اللي فيها يشتغلوا بحب وبتحسّ إنهم ولاد الشّركة الكبار ..وادارة اعمالي صديقي طوني سمعان موجود معي بكلّ صغيره وكبيره وكلّ عيلتي اللي رأيهم بيهمني وكل اصحابي الّلي برّروا غيابي وقدّ مااشتاقوا لي اشتقت».

وتابعت: «الموسيقى وطن رح ننضمّ إله أنتوا وأنا لنسمع نفس الحكايه بذات الوقت.. مابخفيكم خايفه وكأنًي أوًل مرّه رح قدّم لكم أغاني.. كتير تعلّقت بكل أغنية غنّيتها ويمكن فيه أغاني عدتهم أكتر من 10 مرّات وبكلّ مرّة كنت عم دوّر على ستّ أنا بعرفها والقصّة قصّتها وعندا شخصيّة ضروري تكون حلوة والجمال اللي بشوفه فيها بتمنى تشوفوه متلي بتمنّى الأغاني تخلّلي أوقاتكم حلوة».

وأختتمت كلامها، بقولها: «كلّ المحبّة وكلً الإمتنان على أيّام كتيره ساندتوني فيها وقوًيتوني وفيكم كبرت.. هلّأ أنا عم ردّ محبّتكم بمحبّة بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله ..الّلي عمّ قدمه بطريقتي لوطني الغالي ( الموسيقى) هو أحلىوأغلى ماعندي بفضل الله».