شاهد.. فريدة سيف النصر تنشر الصور الأولى لها من كواليس فيلم "فرقة الموت" لأحمد عز
نشرت الفنانة المصرية فريدة سيف النصر عن الصور الأولى لها من فيلم "فرقة الموت" بطولة أحمد عز، وآسر ياسين، ومنة شلبي.
فريدة سيف النصر نشرت الصور، على حسابها بموقع "الفيس بوك"، وعلقت قائلة: "في يوم جميل والهواء شديد جدا بقي يدخل الهدوم زي البراشوت وضحكت ضحك عمري برغم الالم والله .الفيلم ده من تلات افلام وكبار جدا هو اللي باعمله أنا غريبه مش اي شخصيه تشدني.. ووالله كلنا في الشغل مالناش سيره غير غزه والعيال، لكن ده شغلنا".
وكشفت عن اسم شخصيتها في الفيلم، بقولها: "المعلمة قشطه، في فرقة موت مع الجمال والأدب والذوق سوبر ستار أحمد عز.. سعيده اني بتقابل مع جيل جديد.. اتفاجأت أن عز عارف شغلي وكمان وهو بيتفرج عليا وانا باصور عمال يشكر فيا وصلولي طبعا".
وتابعت: " والاحلى مدير التصوير هو بتاع بدون ذكر اسماء، واتكلم عز علي نور الشريف بحب واني محظوظه عملت معاه أهم أعمالي وهو عمل معاه واهتم بيه جدا.. ومحمود عبدالعزيز وجماله...وقد ايه بيحبهم وكان نفسه يشتغل مع عاطف الطيب أنا عملت جبر الخواطر معاه وخدت جائزه من نادر جلال أنا بجد احمد الله محظوظه في الجيل اللي حضرته وانا صغيره من نجوم مش هاتتكرر اتعلمت علي ايديهم. والجيل ده بتاع عز وانا كبيره. عندنا اجيال هاتكمل بجداره".
وأضافت "فيلم فرقة موت احمد عز، آسر ياسين، القمر منه شلبي، الجميله أمينة خليل، مع السوبر ستار دائما، محمود حميده الاضافه لكل عمل، انتاج .هشام عبد الخالق..اخراج احمد علاء، منتج فني المحترم هاني عبدالله.. ارت ديزاينر. المبدعه ناهد نصر الله..بصراحه كلهم عشق العشق...مافيش شعور اجمل من انك تشتغل مع ناس فرحانه بيك ومخرج عارف امكانياتك فايسببك تبدع ..هاقول لكم علي حاجه تخبل ..تخيلوا احمد عز ممكن يعمل كوميديا ..بقي يقول لي افيهات قسما بالله حلوه قد ماتفاعل معايا قولتها..يارب ينجحوا كلهم ويكسروا الدنيا".
