فيدرا تدافع عن محمد سلام بعد هجوم بيومي فؤاد: ما غلطش في الفن

دافعت الفنانة فيدرا عن الفنان محمد سلام، بعد هجوم الفنان بيومي فؤاد عليه، بعد اعتذاره عن مسرحية "زواج اصطناعي" ضمن فعاليات موسم الرياض، تضامنا مع أحداث غزة.

فيدرا كتبت: "محمد سلام في القلب.. محمد سلام ما غلطش في الفن.. محمد سلام عمل فيديو علشان كان محتاجنا جنبه لان عارف توابع اعتذاره.. محمد سلام مش ضحيه، محمد سلام بطل".

وكان قد وجه الفنان بيومي فؤاد رسالة شديدة اللهجة، للفنان محمد سلام، وذلك بعدما اعتذر عن مسرحية "زاوج اصطناعي" بسبب تضامنه مع أهالي غزة، واستبداله بالفنان محمد أنور.

وقال بيومي فؤاد أثناء تحية الجمهور في نهاية عرض مسرحية "زاوج اصطناعي": "أنا فنان مصري وليا الشرف وجيت المملكة العربية السعودية وليا الشرف.. عشان نقدم فننا مش جايين نضحك.. احنا بنحترمكم.. شيء عظيم إن الفنان يبقى له جمهور في كل الدول.. شيء عظيم إني اتصور مع شاب سعودي أو سيدة سعودية.. أنا بشرف بلدي".

وأضاف: " من حقك تعتذر عن المسرحية لكن مش من حقك تغلط في فنك.. احنا مابنجيش علشان نضحك حضراتكم.. احنا بنيجي علشان نقدم فننا المصري وانتوا بتحترمونا واحنا بنحترمكم جدا".

وتابع: "وعايز أخفف عن الرجل اللي أنقذ موقف وكان قدها اسمه محمد أنور.. احنا اتهاننا واتظلمنا واحنا جايين نقدم فن.. اقسم بالله احنا مش بتوع فلوس.. ولو العرض ده قعد أكتر من 15 يوم بدون أجر هنعمله.