بالفيديو.. منى زكي: الدول الأجنبية كانوا عاملين نفسهم بيعلمونا الإنسانية وطلع معندهمش أي إنسانية
تحدثت النجمة المصرية منى زكي في لقاء على هامش تكريمها في مهرجان "ضيافة" في دبي، عن تأثرها خلال إلقاءها كلمة عن فلسطين.
منى زكي قالت: "مبسوطة إن مهرجان ضيافة بيجمع تبرعات لشعب فلسطين ودي أكتر حاجة حمستني إني أحضر".
وأضافت: "المفروض إن احنا نفضل نتكلم ونوصل صوت الشعب الفلسطيني، وأكتر حاجة مستفزاني الدول الأجنبية اللي كانوا عاملين نفسهم بيعلمونا الإنسانية وهم طلع معندهمش أي إنسانية".
النجمة المصرية تابعت: "علشان كده على المسرح قولت إن الإنسانية بتتولد معاك مش لازم حد يعلمهالك، فيا إما هي عندك أو لأ".
وعن تكريمها عن مسلسل "تحت الوصاية"، قالت: "أكيد التكريم بيبسطني، بس احنا في الايام دي أنا مش حاسة إن في حاجة ممكن تبسط، أي شيء بتعمله أي كان جودته في الأيام الصعبة اللي بنشوفها والظروف اللي إخواتنا في فلسطين فيها، فمافيش أي حاجة لها معنى".
وأكملت: "وأتمنى الأحداث دي تخلص وشعب فلسطين يتحرر، ويارب نفضل نساند شعب فلسطين معنويا وماديا، دي أبسط حاجة نقدر نعملها، ومن ساعة ما الأحداث ابتدت كلنا بنصحى بني آدمين تانيين، وبتحسي انه ازاي ازاي نفضل شايفيين الجرائم دي بتحصل كده".